အစီအစဉ်၏နောက်ခံသမိုင်းနှင့် ဥပဒေပြဋ္ဌာန်းချက်အရ အာဏာများ

အမေရိကန်ပြည်ထောင်စု နိုင်ငံခြားရေးဌာန၏ နိုင်ငံတော်လုံခြုံရေး ဆုငွေအစီအစဉ် RFJ ကို ၁၉၈၄ ခုနှစ် နိုင်ငံတကာ အကြမ်းဖက်မှုတိုက်ဖျက်ရေး အက်ဥပဒေ၊ (22 U.S.C. § 2708 ၌ စနစ်တကျ ပေါင်းစုထားသော) ပြည်သူ့ဥပဒေ ၉၈-၅၃၃ အရ ချမှတ်ခဲ့ပါသည်။ နိုင်ငံခြားရေးဌာန၏ သံတမန်ရေးရာ လုံခြုံရေးဌာနမှ စီမံအုပ်ချုပ်သည့် RFJ ၏ လုပ်ငန်းတာဝန်မှာ အမေရိကန်သားများ၏ အသက်များနှင့် အမေရိကန် ပြည်ထောင်စု၏ အကျိုးစီးပွားကို ကာကွယ်ပြီး အမေရိကန် ပြည်ထောင်စု နိုင်ငံတော် လုံခြုံရေးကို အကျိုးပြုသည့် သတင်းအချက်အလက်များကို ရယူရန် ဆုငွေများ ကမ်းလှမ်းရန်ဖြစ်သည်။

၁၉၈၄ ခုနှစ်မှစ၍ ကွန်ဂရက်လွှတ်တော်သည် ကျယ်ပြန့်သည့် ကဏ္ဍလေးရပ်မှ သတင်းအချက်အလက်များအတွက် ဆုပေးရန် RFJ ၏ ဥပဒေပြဋ္ဌာန်းချက်အရ အာဏာများကို တိုးချဲ့ခဲ့ပါသည်-

• အကြမ်းဖက်မှု အောက်ပါအတွက် သတင်းအချက်အလက်-
  
  • အမေရိကန်ပြည်ထောင်စု သို့မဟုတ် ပြည်ပရှိ အမေရိကန်နိုင်ငံသားများ သို့မဟုတ် အိုးအိမ်ခြံမြေအပေါ် နိုင်ငံတကာ အကြမ်းဖက်လုပ်ရပ်များလုပ်ရန် ကြံစည်သူ၊ ကျူးလွန်သူ၊ ကူညီသူ သို့မဟုတ် ကြိုးပမ်းသူအား ဖမ်းဆီးမှု သို့မဟုတ် ပြစ်မှုထင်ရှားစီရင်မှု ပြုလုပ်နိုင်စေသည့်
  • အစကတည်းက ထိုကဲ့သို့သော လုပ်ရပ်များ မပေါ်ပေါက်ရန် တားဆီးကာကွယ်သည့်
  • အဓိက အကြမ်းဖက်ခေါင်းဆောင်တစ်ဦးအား ဖော်ထုတ်ခြင်း သို့မဟုတ် ၎င်း၏တည်နေရာကို သိစေသည့်၊ သို့မဟုတ်
  • ပြည်ပအကြမ်းဖက်အဖွဲ့အစည်းများ၏ ငွေကြေးယန္တရားကို ဖြိုခွဲသည့် သတင်းများ။
    
• ရွေးကောက်ပွဲကို ပြည်ပမှ ဝင်ရောက်နှောင့်ယှက်မှု။ အောက်ပါအတွက် သတင်းအချက်အလက်-
  
  • ဗဟိုအစိုးရ၏ ရာဇဝတ်မှုဆိုင်ရာဥပဒေ၊ မဲပေးခွင့်ဥပဒေ သို့မဟုတ် စည်းရုံးရေးဆိုင်ရာ ဘဏ္ဍာရေး ဥပဒေကို ချိုးဖောက်သည့် လှုပ်ရှားမှု သို့မဟုတ် ပြည်ပအစိုးရတစ်ရပ် သို့မဟုတ် ရာဇဝတ်မှုလုပ်ငန်းတစ်ရပ်၏ ကိုယ်စားလှယ်တစ်ဦးအဖြစ် သို့မဟုတ် ၎င်း၏ကိုယ်စား သို့မဟုတ် ၎င်းနှင့်ညှိနှိုင်းဆောင်ရွက်မှု အပါအဝင် ရွေးကောက်ပွဲကို ပြည်ပမှ ဝင်ရောက်နှောင့်ယှက်မှု၌ သိလျှက်နှင့် ပါဝင်ခဲ့သော သို့မဟုတ် ပါဝင်နေသော မည်သည့် နိုင်ငံခြားသားကိုမဆို မည်သူမည်ဝါဖြစ်ကြောင်း သို့မဟုတ် ၎င်း၏တည်နေရာကို ဖော်ထုတ်စေနိုင်သည့် အချက်အလက်များ။
  • ရွေးကောက်ပွဲကို ပြည်ပမှ နှောင့်ယှက်သည့် လုပ်ရပ်တစ်ခုကို တားဆီးခြင်း၊ ကဖျက်ယဖျက်လုပ်လိုက်ခြင်း၊ သို့မဟုတ် ကောင်းမွန်စွာ ဖြေရှင်းလိုက်ခြင်းတို့ကို ဖြစ်စေနိုင်သည့် အချက်အလက်များ။
• ဆိုးသွမ်းသည့် ဆိုင်ဘာလုပ်ဆောင်ချက် အောက်ပါအတွက် သတင်းအချက်အလက်-
  

• • ပြည်ပအစိုးရတစ်ရပ်၏ ညွှန်ကြားချက် သို့မဟုတ် ထိန်းချုပ်မှုအရ ကွန်ပျူတာ လိမ်လည်မှုနှင့် တလွဲသုံးခြင်း အက်ဥပဒေ (“CFAA”)၊ 18 U.S.C. § 1030၊ ချိုးဖောက်မှုတစ်ရပ်အား ထောက်ပံ့ အားပေးကူညီသည့် မည်သည့်ပုဂ္ဂိုလ်မဆိုအား ဖော်ထုတ်သည့် သို့မဟုတ် ၎င်း၏တည်နေရာကို သိစေသည့် သတင်းအချက်အလက်။ ယင်းတွင် ရွေးကောက်ပွဲတွင် ပြည်ပမှ နှောင့်ယှက်မှု ပါဝင်ပါသည်။
    
• မြောက်ကိုရီးယား အောက်ပါအတွက် သတင်းအချက်အလက်-

• • မြောက်ကိုရီးယားအစိုးရအား ပံ့ပိုးသည့် လုပ်ဆောင်ချက်အချို့တွင် ပါဝင်လုပ်ဆောင်သည့် ပုဂ္ဂိုလ်များ သို့မဟုတ် အဖွဲ့အစည်းများ၏ ငွေကြေးယန္တရားများကို ဖြိုခွဲသည့်၊ သို့မဟုတ်
  • မြောက်ကိုရီးယားအစိုးရ၏ ညွှန်ကြားချက် သို့မဟုတ် ထိန်းချုပ်မှုအရ ကွန်ပျူတာ လိမ်လည်မှုနှင့် တလွဲသုံးခြင်း အက်ဥပဒေ (“CFAA”)၊ 18 U.S.C. § 1030၊ ချိုးဖောက်မှု တစ်ရပ်အား ထောက်ပံ့ အားပေးကူညီသည့် မည်သည့်ပုဂ္ဂိုလ်မဆိုအား ဖော်ထုတ်သည့် သို့မဟုတ် ၎င်း၏တည်နေရာကို သိစေသည့် သတင်းအချက်အလက်။ ယင်းတွင် ဆိုင်ဘာတိုက်ခိုက်မှုများနှင့် အမေရိကန် ပြည်ထောင်စု အစိုးရ၏ စနစ်များအတွင် ဝင်ရောက်ခြင်းတို့ ပါဝင်ပါသည်။

ဆုငွေကမ်းလှမ်းချက်များကို ကြော်ငြာခြင်း

နိုင်ငံခြားရေးဝန်ကြီးမှ ဆုငွေကမ်းလှမ်းချက်ကို ခွင့်ပြုသည်နှင့်တစ်ပြိုင်နက် RFJ သည် ယင်းကို ကြော်ငြာပြီး၊ ဆိုရှယ်မီဒီယာ၊ ဆိုရှယ်ချက်တ် အက်ပလီကေးရှင်းများနှင့် ရိုးရာ မီဒီယာများ အပါအဝင်၊ ကိရိယာအမျိုးမျိုးကို အသုံးပြုလျှက် ယဉ်ကျေးမှုအရ သင့်လျော်သည့် နည်းဖြင့် ပစ်မှတ်ထားသော ပရိသတ်များနှင့် ဆက်သွယ်လုပ်ကိုင်ပါသည်။

သတင်းပေးချက်များကို အရေးယူဆောင်ရွက်ခြင်း

RFJ ကြော်ငြာများသည် လူပုဂ္ဂိုလ်တို့အား ၎င်းတို့၏သတင်းအချက်အလက်များကို RFJ ၏ ဘာသာစကားအတိအကျဖြင့် သတင်းပေးသည့်လိုင်းများသို့ Signal၊ Telegram နှင့် WhatsApp အပါအဝင် အများအပြား ရရှိနိုင်ပြီး ဖုံးကွယ်ထားသည့် မက်ဆေ့ဂျ်ပို့သည့် အက်ပလီကေးရှင်းများမှတစ်ဆင့် တက်စ်မက်ဆေ့ဂျ် ပေးပို့ရန် ညွှန်ကြားပါသည်။ ၎င်းတို့၏သတင်းအချက်အလက်များကို အီးမေးလ်နှင့် ဆိုရှယ်မီဒီယာစာရင်းများမှလည်း တင်သွင်းနိုင်ပါသည်။

RFJ သည် သင့်တော်သည့် သတင်းအချက်အလက်များကို အမေရိကန် ပြည်ထောင်စု အစိုးရ၏ အခြားအဖွဲ့အစည်းများသို့ ဖြန့်ဝေပါသည်။
 

ဆုငွေများ ပေးချေခြင်း

သတင်းပေးသူတစ်ဦးပေးလိုက်သည့် သတင်းအချက်အလက်များကြောင့် ကောင်းမွန်သည့် ရလဒ်ရရှိပါက၊ ထိုအမှုအတွက် လုပ်ကိုင်နေသည့် အမေရိကန် ပြည်ထောင်စု စုံစမ်းထောက်လှမ်းရေးအဖွဲ့သည် ဆုငွေပေးချေရန်အတွက် ထိုသတင်းပေးသူအား အမည်တင်သွင်းရန် ဆုံးဖြတ်နိုင်ပါသည်။ ငွေပေးချေမှုအတွက် အမည်တင်သွင်းခြင်းများကို အဖွဲ့အစည်းအမျိုးမျိုး ပါဝင်သည့် ကော်မတီမှ ပြန်လည်သုံးသပ်ပြီးနောက် ငွေပေးချေခြင်း ပြုရေးမပြုရေး ဆုံးဖြတ်ရန် နိုင်ငံခြားရေးဝန်ကြီးထံသို့ ပေးပို့ပါသည်။

၎င်းအစပြုသည့် ၁၉၈၄ ခုနှစ်မှစ၍၊ အမေရိကန် ပြည်ထောင်စု၏ နိုင်ငံတော်လုံခြုံရေးအပေါ် ခြိမ်းခြောက်မှုကို ဖြေၡင်းရာ၌ အထောက်အကူပြုသော လုပ်ကိုင်ဆောင်ရွက်နိုင်သည့် သတင်းအချက်အလက်ပေးသည့်အတွက် ဤအစီအစဉ်သည် ကမ္ဘာတစ်ဝန်းလုံးရှိ လူပေါင်း ၁၂၅ ဦးကျော်ကို ဒေါ်လာ သန်း ၂၅၀ ကျော်ပေးခဲ့ပြီးဖြစ်သည်။