ມີຫລາຍວິທີໃນການເພີ່ມຄວາມປອດໄພສ່ວນຕົວຂອງທ່ານຂະນະທີ່ໃຊ້ ບຣາວເຊີ Onion Router (TOR). ນອກເໜືອກຈາກການໃຊ້ TOR, ພວກເຮົາແນະນຳໃນການໃຊ້ ບໍລິການເຄືອຂ່າຍສ່ວນຕົວສະເໝືອນ (VPN) ເພື່ອເສີມຄວາມປອດໄພຂອງການຈະລາຈອນເວັບຂອງທ່ານ. ໂດຍການເຊື່ອມຕໍ່ກັບທີ່ຕັ້ງເຊີບເວີ ນອກປະເທດຂອງທ່ານກ່ອນໃຊ້ TOR, ການຈະລາຈອນເວັບຂອງທ່ານແມ່ນຈະຖືກປົກປ້ອງຫລາຍຍິ່ງຂຶ້ນຈາກການຕິດຕາມຄວບຄຸມ. ດ້ານໃນຂອງ ບຣາວເຊີ TOR, ຈະມີການກຳນົດຄ່າເພີ່ມເຕີມຈຳນວນໜຶ່ງທີ່ແນະນຳໃຫ້ໃນພາກ “ຄວາມປອດໄພ ແລະຄວາມໝັ້ນຄົງ” ພາຍໃນ TOR. ກ່ອນອື່ນໝົດ, ເປີດໃຊ້ງານ VPN ຂອງທ່ານ. ຈາກນັ້ນ:

1. ເປີດ ບຣາວເຊີ TOR
2. ເຂົ້າໄປທີ່ ການຕັ້ງຄ່າ TOR ແລະເລືອກ “ຄວາມເປັນສ່ວນຕົວ ແລະຄວາມປອດໄພ”
3. ເລືອກກ່ອງ “ລຶບຄຸກກີ້ ແລະຂໍ້ມູນເວັບໄຊທ໌ໃນເວລາບຣາວເຊີ TOR ຖືກປິດ”
4. ເລື່ອນລົງຫາພາກປະຫວັດ: ປ່ຽນແປງການຕັ້ງຄ່າເປັນ “ບໍ່ຈົດຈຳປະຫວັດ”
5. ເລື່ອນລົງຫາການອະນຸຍາດ: ຄລິກ ການຕັ້ງຄ່າສຳລັບ ກ້ອງຖ່າຍຮູບ ເລືອກ “ບລັອກຄຳຂໍໃໝ່ທີ່ຮ້ອງຂໍການເຂົ້າເຖິງ ກ້ອງຖ່າຍຮູບຂອງທ່ານ.” ເຮັດຄືກັນສຳລັບ ໄມໂຄຣໂຟນ. ສຳລັບຄວາມປອດໄພເພີ່ມຕື່ມ ໃຫ້ປົກປິດ ກ້ອງຖ່າຍຮູບດ້ານໜ້າໃນ ອຸປະກອນຂອງທ່ານດ້ວຍເທບ ຫລື ເຄື່ອງປິດບັງ.
6. ເລື່ອນຫາຄວາມປອດໄພ: ຄລິກ “ປອດໄພທີ່ສຸດ” ນີ້ຈະປິດໃຊ້ງານຟັງຊັນສະເພາະໜຶ່ງພາຍໃນ TOR ແຕ່ຈະອະນຸຍາດສຳລັບການເຊື່ອມຕໍ່ທີ່ປອດໄພທີ່ສຸດ.
7. ເລື່ອນຫາໂໝດ HTTPS ເທົ່ານັ້ນ: ຄລິກເປີດໃຊ້ງານ ໂໝດ HTTPS ເທົ່ານັ້ນໃນໜ້າຕ່າງທັງໝົດ. ນີ້ຈະຮັບປະກັນການເຊື່ອມຕໍ່ທັງໝົດຂອງທ່ານຖືກເຂົ້າລະຫັດ ແລະປອດໄພ.
8. ເຂົ້າຫາການຕັ້ງຄ່າ “TOR” ຢູ່ໃຕ້ “ຄວາມເປັນສ່ວນຕົວ ແລະ ຄວາມປອດໄພ”
9. ເລືອກກ່ອງ “ໃຊ້ຕົວເຊື່ອມ”
10. ຄລິກ “ຮ້ອງຂໍຕົວເຊື່ອມຈາກ torproject.org”
11. ປ້ອນເຂົ້າ captcha.
12. ໃຊ້ https://coveryourtracks.eff.org ແລະ https://ipleak.net ສຳລັບເບິ່ງຂໍ້ມູນການລະບຸຕົວຕົນຫຍັງແດ່ອາດຍັງຄົງປາກົດຢູ່ ເຊິ່ງສາມາດລະບຸຕົວຕົນທ່ານໃນ ຄອມພິວເຕີ ແລະຈະລາຈອນເວັບຂອງທ່ານ.

ວິທີປອດໄພເພື່ອເຊື່ອມຕໍ່ກັບ TOR ແລະສາຍການສົ່ງເບາະແສ TOR ຂອງ ລາງວັນເພື່ອຄວາມຍຸຕິທຳ:

1. ທ່ານເອງໃຊ້ບໍລິການ VPN ທີ່ເຊື່ອຖືແບບເສຍຄ່າທຳນຽມ. ບໍລິການ VPN ຟຣີບໍ່ອາດປອດໄພສະເໝີໄປ.
2. ເຊື່ອມຕໍ່ອຸປະກອນຂອງທ່ານໂດຍໃຊ້ບໍລິການ VPN ທີ່ເຊື່ອຖືໄດ້ໄປຍັງທີ່ຕັ້ງນອກປະເທດຈາກບ່ອນທີ່ທ່ານກຳລັງເຂົ້າເຖິງ TOR.
3. ເປີດບຣາວເຊີ TOR
4. ກຳນົດຄ່າການຕັ້ງຄ່າຄວາມປອດໄພ TOR ຕາມທີ່ເໝາະສົມ.
5. ສຳລັບຄວາມປອດໄພເພີ່ມເຕີມ, ໃຊ້ proxy ທາງກາຍະພາບເຊັ່ນດັ່ງຕົວທີ່ຢູ່ໃນ ຮ້ານກາເຟ ຫລື ລັອບບີ້ຂອງ ໂຮງແຮມ ເພື່ອທີ່ການເຊື່ອມຕໍ່ບໍ່ສາມາດລະບຸຈຸດທີ່ຕັ້ງເຮືອນຕົວຈິງຂອງທ່ານ.

ລິ້ງຫາຂໍ້ມູນຄວາມປອດໄພຂອງ TOR:

1. ຂໍ້ມູນສຳລັບ ຕົວເຊື່ອມ TOR: https://tb-manual.torproject.org/bridges/.
2. ຂໍ້ມູນສຳລັບຄວາມປອດໄພ TOR: https://tb-manual.torproject.org/security-settings/.